Óscar Romero

519377c9e90ccmonseñorromero3Óscar Romero gotzain martiriari buruzko dokumental bat ikusi dugu: “Monseñor. The last journey of Óscar Romero”. Benetako historia eta gertakizunak dira, ez fikziozko fileme bat. Romeroren benetako ahotsa eta irudia ditugu aurrean, hainbat argazki eta telebista erreportajetan.
Monsinore Óscar Romero San Salvador hirian hil zuten, tiroz, 1980ko martxoaren 24an, Divina Providencia ospitaleko kaperan meza ematen ari zela.
Óscar Romero El Salvadorren jaio zen 1917ko abuztuaren 15ean. Apaiz ikasketak han eta Erroman egin zituen. 1942an apaiz ordenatua izan zen. 1970ean gotzain ordenatu zuten. 1977an San Salvadorreko artzapezpiku izendatu zuten 1977an
Artzapezpiku izaten hasi zenean, gobernuak babestutako talde militarrek apaiz ugari hil zituzten urte gutxitan, nekazari pobreei laguntzeagatik. Horien artean lehenbizikoa Rutilio Grande jesuita. Jende asko “desagerrarazi” zuten. Óscar Romerok, biolentziarik erabili gabe, biktimen eskubideen defentsa publiko eta argia egin zuen. Iganderoko hitzaldietan giza eskubideren urraketa ugari salatu zituen.  Eliza katolikoaren barruan pobreen aldeko lehentasunezko aukeraren defendatzailetzat hartu zen. Bere homilietako batean monsinore Romerok honako hau esan zuen: “Elizaren misioa pobreekin identifikatzea da, horrela aurkitzen du bere salbazioa Elizak”.
Hil aurreko egunean eskaera gogorra egin zion armada salvadortarrari: “Dei berezia egin nahiko nieke armadako gizonei. Hain zuzen ere, Guardia Nacionaleko baseei, poliziarenei, koarteletakoei… Senideok, gure herri beraren kide zarete. Zuen senide nekazariak ari zarete hiltzen. Eta gizon batek emandako hiltzeko aginduaren aurrean, Jainkoaren legeak gailendu behar du. Eta hau esaten du: “Ez hil”. Inongo soldaduk ez du obeditu behar Jainkoaren legearen kontra doan agindurik.”
1994 urtean bera santu izendatzeko prozesua zuten. Latinoamerikan askok “San Romero Amerikakoa” deitzen diote. Eliza katolikoaren mugetatik kanpora, Anglikanoek ere santutzat  hartzen dute. “Santu” izendatu zuen 2018ko urriaren 14an Frantzisko Aita Santuak .
Idatz ezazu Romerori buruzko zure iruzkina, zure iritzia emanez.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude