“Cadena de favores” (ingelesez “Pay it forward”) pelikula ikusi dugu. Chris Chandler kazetariak “mesedeen kate” bati buruzko artikulu bat idazteko asmoa du. Las Vegasen Trevor McKinney, 11 urteko mutilak sortu du mugimendu hau. Eugene Simonet irakasleak, Gizarte klasean, mundua hobetzeko zer egin dezaketen galdetu die ikasleei. Trevorrek mesedeen katea abiatuko du. Hiru laguni mesede handia egin behar zaie, zerbait garrantzitsua. Mesedea onartzen baduzu, ez duzu ordaindu edo itzuli behar, zeuk beste hiru pertsonari lagundu behar diezu, kateari jarraituz … Trevor Jerry, Eugene eta Adami laguntzen saiatuko da, eta bere amari, bide batez … Izan ere Trevorren ama, Arlene McKineey, oso lanpetuta dago eta ezin du inorekin irten urtebetez. Gainera bere senarraren biolentzia jasan behar du eta edan egiten du …

Istorio honetan mesede ugari ikusi ditugu: kotxe on bat opari ematea, ospitaleko txanda ematea, kamioia konpontzea, ihes egiten laguntzea, bi pertsona elkar maite daitezen ahalegintzea, … Baina mesedeak batzuetan garesti ordain daitezke … agian nork bere biziarekin!!

Pelikula ikusita, iruzkin bat idaztea eskatzen dizut, agian galdera hauetako batzuei erantzunez: Zer gustatu zaizu gehien pelikulan? Zuk besteei zer mesede egitea nahiko zenuke? Zer antz dago Trevorren eta kristautasunaren artean?  Mila esker.