Zein da gaur gertatu zaizun gauza harrigarriena? Zein da gehien miresten duzun gauza edo pertsona?  Galdera hauxe egin zuten irratian, orain egun gutxi… Erantzun bat asko gustatu zitzaidan:

Gaur eguzkia berriro atera da, beti bezala, bere argi errainu eta guzti.

Laino gorrixkak ikus zitezkeen, paisaia zoragarria…

Gaur goizean dutxa ederra hartu dut, ur epelez. Izugarri gustatzen zait nire gorputza garbi sentitzea.

Guar goizean gizon eta emakume asko lanera joan dira, oso goiz, beraien familien alde esfortzu handia eginez…

Gosaltzean, kafea gailetekin oso gozoa zegoen.

Goizean konturatu naiz oraindik ondo aditzen dudala, eta esaten didatena ulertzen dudala.

Koloreak ondo bereizten ditudala.

Kaleko zaborrak jaso dituzte gauean, eta dena txukun-txukun dago

Amak musu bat eman dit, eta maite nauela esan dit

Etxetik irtetean “Aitaren” egin dut, gurutzearen seinalea, eta Jaunari laguntza eskatu diot

Mikel, nire laguna, betiko tokian zegoen nire zain, elkarrekin eskolara joateko…

Eskolan ikasteko aukera daukat, munduko neska eta mutil askok ez daukatena…

Mezu polita jaso dut dire mugikorrean …

Begira zenbat gauza harrigarri gertatu zaizkidan oraingoz, eguna ia hasi besterik ez denean egin… Zorte handia daukat. Eskerrak eman nahi ditut…

Idatz ezazu iruzkin bat galdera hauei erantzunez: Zein da testu honen hasierako bi galderei emango zeniekeen erantzuna? Zer da harrigarria zuretzat, bai makrokosmosean (Lurra, izarrak, galaxiak …), bai mikrokosmosean, bai eguneroko pertsonen arteko harremanetan?

Mundua miresteak sortu al dezake “galdera erlijiosorik”? Ze galdera? Mila esker!!